मी साधक
मी साधक
हृदयकमल तव चरणी ताई
अर्पण मी केले
रडक्या जिवाच्या दुखद वेदना
मज त्यातून दूर नेले
श्रवणीय वाणी तुमची सुखद
अनुभवत मी गेलो
मनाच्या विशाल नितळ सागरात
मी आज एक राजहंस झालो
यशाची ही गुरुकिल्ली घेऊनी
दाही दिशाचा खलाशी झालो
दुखे वेदनाचा प्रसव मोडुनी
बहुश्रुत आत्मविश्वासी बनलो
क्रिया करुन मनाच्या काही
अंकित मनाला उर्जावान करत गेलो
ब्रम्हांड तेजाची ओळख करण्या
एक एक अमृतकण वेचत गेलो
संपावी अगणित दुखे सर्वांची,
सुखे वाढावी अखंड अविरत
कृतज्ञतेचा झरा हृदयी पाझरुण
सर्वांना तृप्त शांत करत चाललो
जीवन जगण्याची कला सुंदर
हातोटीने आम्ही शिकत गेलो
आपल्या आशीर्वादीत करण्याने
मनपरिवर्तन आमचे करत गेलो
आजन्म ऋणात राहील आपल्या
सोबत अशीच असावी फक्त
नवीन शिखरे यशाची उंचच उंच
सहज पादाक्रांत करत गेलो