महापूर
महापूर
आजकाल पावसाचे
गणित कळत नाही
जलाने भरल्या नभांचा
रस्ता इकडे वळत नाही
पाऊस यावा म्हणून
खूप भरून येतो ऊर
कोल्हापूर, पुणे, मुंबई
येथे येतोय महापूर
पावसा तू यावे म्हणून
डोळ्यात अश्रू दाटले
आला एकदाचा तू अन्
सर्वकाही वाहून नेले
असा तू वेड्यासारखा
का वागतोस पावसा
कोल्हापूर, मुंबई, पुणे
येथे प्रलय आणला कसा
पावसा तू आजकाल
वेगळा वागत आहे
भेदभावाची भावना
आता जाणवत आहे