बेरोजगार
बेरोजगार
बेरोजगार असल्यावर
नजरा कशा छळतात
किती मोठा गुन्हा केला
अशा नजरेनं पाहतात
करत होतो जेव्हा
संघर्ष त्या यशासाठी
संकटात असताना
धावला ना कुणी मदतीसाठी
कुठे गेले होते तेव्हा
मी एकटाच लढत होतो
मिळावा पाठिंबा थोडा
म्हणून ओरडत होतो
मी जेव्हा जिंकत होतो
तेव्हा वाहवा केली
आज हरल्यावर मात्र
कशी माणसे दुरावली
वचन खरे आहे ते
सुखात सर्व आपले असतात
दुःखात मात्र सारे कशी
एकट्याला सोडून जातात