मेजवानी
मेजवानी
चिवचिव करत चिमणी आली
ब्रेकफास्ट ची वेळ झाली
मागोमाग मिठु मिठु करत
पोपट ही आला
चिमणी मग भुर्र उडाली
मिठु दादाने झुलत तारेवर
ताव मारला नाश्त्यावर
कावळे दादाच्या भुकेची
वेळ व्हायची अजुन
आता ग राहिल्या मैना
बुलबुल आणि खारूताई
सगळ्या येतात जोडी जोडीने
दाणे टिपतात आळीपाळीने
शेवटी येतात मुंग्या आणि मुंगळे
साफसफाई करतात सगळे
त्यांचीही होते मेजवानी फक्कड
खाऊन पिऊन होता पोटभर
ऊडून जाती लांब दूरवर...........