Me Too मी-टू

नैतिक-अनैतिक समीक्षण

Me Too ने होतय छान;

शोषित महिलांच्या आरोपांनी

हरवलंय भल्याभल्यांचे देहभान.

महिलांच्या लैगिक शोषणाने

समाजमन झालेय प्रक्षुब्ध;

Me Too च्या विळख्याने

नाना व महानायकही स्तब्ध.

Me Too च्या वादळाने घेतली

अकबराची पहिली विकेट ;

आरोपातून होणारी गच्छंती

म्हणजे काही वर्षापूर्वीचे सिक्रेट.

राजकारण-क्रीडा-मनोरंजन

क्षेत्रात Me Too ची लागण;

"महिला सक्षमीकरण" ठरतेय

केवळ दिखाऊ स्लोगन.

Me Too जनसामान्यांच्या

जीवनात जेव्हा घुसेल;

तमाम आंबट शौकिनांची

वाचा तेव्हा बसेल.

Me Too ने देशभरात

वाढलाय सर्वत्र क्लेश;

पत्नीने पतीला Me Too

करणे राहिलेय शेष.

अभिव्यक्ती स्वातंत्र्याखाली

आरोपांची राळ फेकू नका;

आरोप सिद्ध झाल्याविना

कोणासही कमी लेखू नका.