मदत

अडलेल्यास करावी मदत

पाहू नये तेव्हा पद अन पत

स्वार्थाचा नको लवलेशही

मनापासून असावी ही आदत

मदत असते एक संधी सेवेची

मदतीला जोड असावी त्वरेची

जाण असावी मात्र भल्याबुऱ्याची

ज्योत अंतरात उजळो खऱ्याची

एकदा दिलात कुणा मदतीचा हात

चुकूनही करु नये मग विश्वासघात

मदतीला असतेच ईश्वराची साथ

कठीण संकटावरही करता येते मात

मदतीत नसावा कधीच मानपान

मदतीची मात्र ठेवावी सदाच जाण

करतात मदत जे विसरून देहभान

राहते नेहमीच उंचावलेली त्यांची मान