Library
Profile
मायबोली
मायबोली
1 min
899
रूप मनोहर लेऊन
शालू शालीनतेचा नेसून
सह्याद्रीच्या कडेकपारीत
साधुसंतांच्या पावनभूमीत
मायबोली नांदत आहे
शारदेच्या मंदिरात
मांगल्याच्या प्रतिमेत
स्वाभिमानाचा डंका मिरवत
मोठ्यांचा दुराभिमान घालवत
मायबोली नांदत आहे
कृष्णा गोदाच्या खांद्यावर
सातपुडयाच्या सानिध्यात
शब्दांच्या अलंकारात
कर्तुत्वाची शिखरे गाठत
मायबोली नांदत आहे
हृदयाशी नाळ जोडत
अंतकरणाला साद घालत
अंतरीचा जिव्हाळा जपत
मधुर वाणी सुखावत
मायबोली नांदत आहे
जखमा प्रांतवादाच्या झेलत
व्यथा मनात जपत
वैभवशाली परंपरेचे
सोनेरी स्वप्न रंगवत
मायबोली नांदत आहे
