लाइब्रेरी
प्रोफाइल
ती
ती
1 min
133
लढत असते ती
किती तरी रणांवर
घरी दारी आणि
समाजाच्या उंबरठयावर
डगमगत नसते ती
आयुष्याच्या रणांगणावर
हार ही मानत नसते
अपयश मिळाल्यावर
खचत नसते ती
निराशेच्या मार्गावर
तडजोड करत असते
जीवनाच्या वळणावर
चालत असते ती
ठेचाळणार्या रस्त्यावर
सावरत असते स्वतःला
काटयांच्या कुंपणावर
धडपडत असते ती
प्रत्येक पावलावर
अधिराज्य गाजवते
स्वतःच्या विश्वावर
पाझरत असते ती
डोळ्यांच्या कडांवर
संयमाने जगत असते
आत्मसन्मानाच्या वाटेवर
