माय
माय
भर उन्हामध्ये राबते
माझी कष्टाळू माय
प्रेम आहे तिझ जसं
दुधावरची साय
काट्याकुपाट्यातून चालते
पोटासाठी अनवाणी
भराया पोटाची खळगी
केलं तीन रगताच पाणी
तान्हा असताना आम्हाला
माझा बा सोडून गेला
सगळा घराचा बोजा
तिच्या खांद्यावर आला
दिसरात लेकरांची काळजी
तिझ्या वेड्या मनी
कशी सांगू माझ्या मायची
करून कहाणी
खुलतो तिझा चेहरा
बघून लेकरांची खुशी
खरच मऊ लागते
मायच्या प्रेमाची उशी
फाटके कपडे आणि
मोडका संसार तिझा
स्वतः उपाशी राहून
सांभाळ केला माझा
स्वर्गाहून गोड
तिझ्या मायेची उब
थिटे तिच्या पुढे
सगळ्या ऐशोआरामाचं सुख