माय मराठी
माय मराठी
सुंदरशा चार ओळी
कानावर त्या पडल्या
मराठीचा गोडव्याने
स्मृती नव्याने जगल्या
परदेशी मी राहतो
मराठीस तरसतो
माय मराठीला मग
ऑन लाईन शोधतो
मराठीचे खडे बोल
देती स्फुरण मजला
आठवून तयांना मी
रस्ता पुढला चालला
माय मराठी ही माझी
जिच्या शब्दात गोडवा
आईवानी जपते ती
तिची खुशाली कळवा
मायबोली माझी कधी
मारी एका गालावर
करी प्रेमाने सांभाळ
होता स्पर्श हळूवार
भाषा इंग्लिश मजला
झाली छान अवगत
परी जपतो मराठी
माझ्या हृदयी मी सतत