सुखाचा सेल

एक दिवस आली, माझी सखी मझ्याकडे

मला म्हणाली ,  

सखे ,जवळच लगला आहे,सुखाचा सेल

बघ आत्ताच आला आहे मला त्याचा मेल 

मी पण हरखून म्हणाली ,

अगं ,चल ना लवकर ,

नाहीतर चांगले सुख विकले जाईल

आपल्या हाती लागणार नाही

बघू , काय आहेत तिथे ऑफर - - -

असेल आपल्या बजेटमध्ये तर घेऊ विकत - -

गेलो दोघी मस्त तयारी करून

बरीच होती तिथे सुखं विकायला - - - 

ऑफर त्यांच्या बघून ,झालो आम्ही थक्क - - 

भौतिक सुख घेत होते माणुसकीचा बळी

हरवत होते हे ,गालावरची हसती खळी - -

आधुनिक सुख मागत होते ,नात्यातील दुरावा

दयावा लागत होता ,त्यांना एकटे असल्याचा पुरावा

काही सुख करत होती आरोग्याची हेळसांड

म्हणत होती ,औषधींची दुकान घरात मांड

विस्फारलेल्या डोळ्यांनी ,

फिरलो आम्ही सर्व दालन - - 

शेवटच्या दालनात ठेवताच पाऊल - - 

वाटलं हे आहे ,आपल्या बजेट मधील सुख - - -

शांतीचा होता झोपाळा - -

त्याला समाधानाची दोर - -

मनात नाचत होता ,आनंदाचा मोर

घेतले हे सुख मी पटकन विकत

देऊन थोडी, आपुलकी अन थोडे निस्वार्थी प्रेम - - -