लाइब्रेरी
प्रोफाइल
माय मराठी
माय मराठी
1 min
269
एक एक अक्षर बोले
नव अक्षरांचे होई गुंजन
माय मराठीचे शब्द स्वरित
स्वच्छंद रचिता काव्यपुष्प सृजन
मुक्त होती व्यक्त भाव
माय मराठी असता वदनी
थेट भिडे स्वैर काळजाला
ना आसक्ती ना होई दुजाभाव
सहज कळती समृद्ध संस्कार
माय मराठी माझी महाराष्ट्राची शान
बोलेल त्याला क्षणात उमगते
अभंग ओव्या म्हणता हरपते देहभान
गोडवा भाषेचा कधीही न होई अवीट
एकेक शब्दांची उकलता गुंफण
माय मराठी साज मनाचा
अभिमान स्वाभिमान अलंकार हा अवघ्या महाराष्ट्राचा
अभिमान स्वाभिमान अलंकार हा अवघ्या महाराष्ट्राचा
