स्त्री शक्ती

तूच स्वामिनी तूच मानिनी

देई बळ दुर्बलासी 

तूच मधुरांगिनी||

तूच अंगणातल्या

वृदांवनाची तुळस

तूच रांगोळीतल्या 

सप्तरंगाची कमान||

दारावरल्या तोरणाचे 

मांगल्यही तूच 

देव्हाऱ्यातल्या पावित्र्याची

उधळणही तूच |

तूच घरातल्या 

प्रसन्नतेची आरास

तूच उत्साही 

स्पंदनाची मनोहारी साद||

तूच लेकरांच्या

अंतर्मनाचा विलक्षण नाद

कधीही न संपणाऱ्या  

संघर्षाचा तूच एक प्रवास||

घरास घरपण देणारा 

तूच एक आवाज

संस्कार अन् संस्कृती  

रुजविणारा तूच प्रेरक संवाद||

तूच स्वर तूच आलाप

तूच न संपणारी एक पहाट

अशा अथांग कर्तृत्वाला 

माझे शतश: नमन||