आठवणी मामाच्या
आठवणी मामाच्या
आठवते बालपण अजूनही मला
आठवते सुटीत मामाकडे जाणं |
आठवतात मामे भावंडं,बहिणी
त्यांबरोबरच गप्पा मारीत खाणं | |१| |
आठवते मामीच्या हातची कढी,
पाटोड्यांची भाजी खुमासदार |
आठवतं चौपट, लंगडी पळापळी
खेळ खेळून हसण्यातली बहार | |२| |
आठवतं मामाच्या सोनारकीतलं
तरबेज असणं नथींच नक्षीकाम |
अभिमान वाटायचा दुकानातली
गर्दी पाहून मजूरीचा कमी दाम | |३| |
उन्हाळ्यात रात्रीचं ते गच्चीवर
झोपणं चांदण्यांचा आनंद लुटत |
सर्व गल्लीतले उठल्यावर आम्हा
भावंडाचे सर्वच इलाज खुटत | |४| |
नास्ता हातात मिळे उपमा कधी
गरमागरम भजी पापड नि चहा |
मामींचं पाककलेतलं कौशल्य
म्हटलेलं आग्रहाने अजून रहा | |५| |