पुस्तके
पुस्तके
पुस्तके रंजल्या गांजल्यांची सावली
अनाथांना कायम साथ देणारा वाली
इतिहासात जहाल मवाळ विचारांचे मंडळ
जबरदस्त क्रांती करणारी महान चळवळ
पुस्तके प्रबोधन करणारे अजरामर साधन
गुणवंताना न्याय देणारे विचारांचे दालन
जागतिक स्तरावर प्रभावी असलेले सहाय्यक
पोटाचा प्रश्न सोडविणारे विश्वासू मार्गदर्शक
पुस्तके अतोनात प्रेम देणारे जीवलग साथी
जगण्याचे जीवंत अनुभव देणारा सारथी
जग रहाटीची बदलणारी एक विचारधारा
इतिहासात जतन केलेला मोलाचा ढिगारा
पुस्तके माणसे कायम जीवंत ठेवतात
त्यांच्यातील सुप्तगुणांना अमर करतात
जगाला परिवर्तन करण्यास त्यांचे योगदान
दु:खावर फुंकर घालण्यास त्यांचे खरे जीवदान
पुस्तके शून्यातून विश्व निर्माण करणारी असतात
असामान्य माणसाला कायम प्रेरणा देणारी ठरतात
त्यांचे आदर्श मानवी जीवनाला वळणबिंदू देतात
सत्य,न्यायी विचारांचे विश्वकोष आदर्श ठरले जगात
पुस्तके इतिहासाची कायम आठवण सांगतात
विचारवंत,थोरांच्या,विद्वानांच्या गोष्टी कथन करतात
प्राणी,पक्ष्यांची मनमोहक कहाणी ऐकवतात
निसर्गाच्या सानिध्यात जगायला शिकवतात
पुस्तके प्रेमळ असतात खऱ्या प्रेमाचा वर्षाव करतात
नश्वर धनापेक्षा शाश्वत शब्दधन अमर्याद देतात
तेच माणसाचे खरे जीवन धन आहे याची जाणीव करतात
भूतकाळ, भविष्यकाळ, वर्तमानकाळाची जगाला शिकवण देतात