माझं माहेर

माझं माहेर

 

माझ्या माहेरची गोडी,

आहे अवीट ही फार,

येता निरोप मायचा,

मनी दाटे हुरहूर ..!

 

आल्या माहेरवाशिणी,

गळा भेटीही घेतल्या,

सांगे कौतुक रामाचे ,

सभा चौकात भरल्या...!

 

दावी बापाची श्रीमंती,

मन मोठे मोठे वाटे,

माझा कृष्णा बंधूराया ,

घाली ओवाळणी ताटे....!

 

सजली घुंगूरगाडी,

खिलारी ती बैलजोडी,

शुभ्र घोडा असे दारी,

सात मजली हो माडी...!

 

लेक दिल्या घरी जाई

लागे माहेरची साडी,

बंधूरायाची ती भेट

सोबतीस कान कुडी