देशभक्तीपर बालगीत-गान स्वातंत्र्याचे
देशभक्तीपर बालगीत-गान स्वातंत्र्याचे
अभिमान धरु,बलिदान करु,
देशाच्या स्वातंत्र्याचे, आम्ही गान स्मरु ||धृ||
भविष्य आम्ही या देशाचे,
द्योतक आम्ही प्रगतीचे,
करु चला हो काम असे,
नाव उंचवूया देशाचे||१||
रक्षण करण्या या धरतीचे,
बाल जवान हो या भू चे,
ध्वज उंच धरु या मानाने,
नाव उंचवू बाल शहीदांचे||२||
समजू नका हो सान आम्हा,
खारी सम या काम करु,
देशभक्तीचे धडे घेऊनी,
देशाचे आम्ही रक्षण करु||३||
स्वदेशीचा करु आम्ही प्रचार,
परदेशी मालाचा करु तिरस्कार,
सुजलाम, सुफलाम देश करु
भ्रष्टाचारास सारुनी दूर ||४||
देशाच्या स्वातंत्र्याचे आम्ही गान स्मरु