चित्रकाव्य-ओवी रचना
चित्रकाव्य-ओवी रचना


चित्र काव्य-
जात्यावरची ओवी
जाते बाई जाते गं
गरगर फिरते
पहाटेच्या प्रहरी
दळण दळिते...||धृ||
विठू माझा बंधू रे
कधी येशी न्यायला
सासुरवाशिण बहिणीला
कधी नेशिल सणाला..
जाते बाई जाते गं....||धृ||
दुःख माझ्या जीवनाचे
जात्यात दळिते
विठू माझ्या बंधूला
गा-हाणे सांगते..
जाते बाई जाते गं...||धृ||
पीठ माझ्या कष्टाचे
जीव त्यात ओतते
मायेच्या ओलाव्याने
भाकरी करिते..
जाते बाई जाते गं....||धृ||
माहेरच्या प्रेमाला
ओवीत गुंफिते
शीण नसे कष्टाचा
मी ओवीत रमते...
जाते बाई जाते गं
गरगर फिरते
पहाटेच्या प्रहरी
दळण दळिते...||धृ||