माझं दुःख

माझे पाणावलेले डोळे

माझा उदास चेहरा

काहीच सांगत नाही का रे तुला

माझ्या हसऱ्या चेहऱ्यामागे दडलेलं 

माझ्या अंतरीतल दुःख

कधीच कळत नाही का रे तुला

माझ्या चिरडल्या गेलेल्या अपेक्षा

माझ्या दुखावलेल्या भावना

कधीच समजत नाही का रे तुला

माझं शुन्यात बघणं 

कोणाशी शब्द न बोलणं

काहीच खुणावत नाही का रे तुला

माझं कोमेजलेलं मन

माझे भकास डोळे

काहीच खुणावत नाही का रे तुला

भावनाविरहीत माझं थंड शरीर

जवळ घेतल्यावर

काहीच जाणवत नाही का रे तुला

तुझ्या प्रेमाने काठोकाठ भरलेलं माझं मन

एकाएकी कोरड्या विहिरीसारख झालंय

नाही जाणवत का रे तुला

घराच्या चार भितींमध्ये 

माझा आक्रोश 

नाही ऐकू येत का रे तुला

का झाली माझी अशी अवस्था

असा प्रश्न नाही सतावत का रे तुला