आगमन पावसाचे
आगमन पावसाचे
पहाटे पहाटे ढग भरून आले
काळ्याकुट्ट ढगांनी आभाळ व्यापून गेले
बेभान वाहे वारा त्याला साथ ढगांच्या गडगडाटाची
चाहूल लागे तेव्हा पावसाच्या आगमनाची
हिरवेगार गवत वाऱ्यासंगे डोलू लागे
झाडे पाने फुले यांची त्यांना साथ मिळे
पावसाचे टपोरे थेंब अलगद धरतीवर उतरू लागे
मन मोहून टाकणारा मृदगंध दरवळे
पावसाच्या थेंबाने धरती हर्षभरित होई
प्रत्येक व्याकुळ जीव उल्हासित होई
लेवुनी साजशृंगार नटली नववधू
खुलू लागले सौंदर्य निसर्गाचे जणू
ओल्या चिंब पावसात चिंब चिंब न्हायले
पावसासंगे पावसाचे चिंब गाणी मी गायले