धावपळीचे जीवन

धावपळीचे जीवन सध्याचे

नाही क्षणभरही विश्रांतीचे

पैसा पैसा करत मागे त्याच्या पळत राहायचे

पळता पळता मात्र राहून जाते उपभोगायचे

पोटाची खळगी भरण्यासाठी मेहनत असते दिवस रात्रीची 

शरीर थकतं मनही थकतं काळजी नसे आरोग्याची

कामात इतके गुंतून जातो 

आप्तजनांनाही विसरून जातो 

नातीगोती विसरली जातात 

सणवारही साजरे करायचे राहून जातात

शेवटच्या टप्प्यावर येऊन पोहोचतो जेव्हा आयुष्याचा खेळ

तेव्हा लक्षात येते की आता संपून गेली वेळ