लाइब्रेरी
प्रोफाइल
माझी नऊवारी लय भारी
माझी नऊवारी लय भारी
1 min
202
कांचीपुरमची कांजीवरम
मुलायम गर्भरेशमी काठ
बनारसी शालू वरती
बघावा वेलबुट्टीचा थाट
जिच्यावर भौमितिक आकार
ती तेलंगणातील पोचंपल्ली
टोप पदरी लुगडं म्हणजे
ईल्केकलूची इरकली
टसर, मुग्गा उफाडा
बंगालची बालू चेरी
माहेश्वरची माहेश्वरी
काश्मिरची कशिदाकारी
कोईमत्तूरची कोईमत्तूरी
राजस्थानची बांधणी
जॉर्जेट शिफॉन चंदेरी
आणि येवल्याची पैठणी
खादी गढवाली कॉठा साडी
तंछोई धर्मावरम धूप छाव
घेतल्या साड्या तरी
कमी होत नाही हाव
राजस्थानी मारवाडी गुजराती
साड्यांचे प्रकार तरी किती
टसर पटोला पेशवाई
घेणाऱ्यांची लगीनघाई
पैठणीवर नाचतात राघू मोर
चंद्र कळेवर चंद्राची कोर
नऊवारी संस्कृती महाराष्ट्राची
शान आपली पैठणची पैठणी
अभिमानाने जपावी ती
सर्व साड्या तील हिरकणी
कितीही लावल्या
साड्यांच्या हारी
तरी माझी नऊवारी
लय भारी
