माझी माऊली
माझी माऊली
या माऊलीसाठी काय लिहू
शब्द मिळत नाही मला कोठे ।
या माऊलीवर लिहिण्याइतपत
नाही माझे व्यक्तिमत्त्व मोठे ।।
हिच ती माऊली
जिने मला हसणे शिकवले ।
जेव्हा जेव्हा मी संकटात सापडलो
हिनेच माझे अश्रू पुसले ।।
वाईट काम केल्यावर
हिनेच माझा रस्ता सुधारला ।
माझ्या भुकेसाठी हिने
स्वतःच्या तोंडातील घास माझ्या तोंडात घातला ।।
दुसऱ्याचे दुःख ही माऊली
स्वतःच घेऊन चालते ।
स्वतःचे दुःख मात्र
स्वतःच पचवते ।।
नाही तिला मोह कसला
नाही गर्व कसला ।
हवा असतो तिला फक्त
दोन गोड शब्दांचा बोलबाला ।।
हिच्यामुळेच आज मला
जीवन जगण्याची रित कळली ।
साधी भोळी माझी ही माऊली
दुसऱ्यांच्याच सुखात नेहमी रमलेली ।।
कठीण आहे आजच्या युगात
अशी माऊली मिळणं ।
जिने आजवर केलेत
नेहमीच सत्कर्म ।।
धन्य झालो मी आज
मला अशी माऊली लाभली ।
जिने या कलियुगात सुद्धा
माणुसकीची लाज राखली ।।
या माऊलीमुळेच आज मला
पुन्हा जगावसं वाटतं।
हिच्यामुळेच मला
सत्कर्म करावस वाटतं ।।
नेहमी या माऊलीचा
आशीर्वाद मला आहे ।
सुखी राहो माऊली माझी
हीच ईश्वरचरणी प्रार्थना आहे ।।