नाते तुझे नि माझे

ही सकाळ तुझा आवाज ऐकून व्हावी

यापेक्षा सुंदर काय असू शकतं ,

तुझ्या आठवणीत सतत राहणं 

यापेक्षा अजून काहीच मला नको असतं ।।

नाते तुझे नि माझे काय आहे 

खरचं मला कळत नाही ,

तू माझ्याशी नाही बोलली तर 

आजकाल मला करमत नाही ।।

दूर असलो तुझ्या कितीही तरी

क्षण तुझा नेहमी सोबत असतो ,

असलो कोणत्याही सुखदुःखात जरी

जगण्याला कारण तुझा प्रत्येक क्षण मला देत असतो ।।

गार गार थंडीत साथ

तूझी सोबतीला हवी आहे ,

तू आहे माझा स्पर्श

तुझा मला व्हायचं आहे ।।

खरोखर नाही कळत मला

का ही वाट तुझ्याकडेच असते ,

कारण कदाचित एकच,

माझ्या श्वासात फक्त तू असते ।।