लाडकी लेक

जिच्या पोटी लेक जन्म घेते

ती माय धन्य या जगती

उदरात नऊ महिन्याची परीक्षा

पास होऊनी येते बाहेर पणती

गोड तिच्या हास्यात रमती सगळे

छोटी छोटी पाऊले मोठी होई जेव्हा 

माहेर सोडून सासरी जाते लेक लाडाची

जीव आईचा केविलवाणा होतो तेव्हा

आई लेकीच नात अतूट बंधन

आईच्या मिठीत सांत्वन लेकीच असत 

हट्ट लेकीचे पुरवण्या आई बाबा सदैव तत्पर 

ओझं लेकीच आई बाबा कधीच नसत 

जबाबदाऱ्या लेकीला दोन्ही घरच्या

सासर आणि माहेर नात्याची असते वीण

प्रकाश देते दोन घरी लेक लाडाची

आई बाबाच्या चरणाशी होते लीन 

आई बाबासाठी लहान परी असते 

हृदयात जपती फुलापरी

जोवरी श्वास हा श्वासात असतो 

तोवरी आईबाबांचा जीव लेकीवरी