देव

मी तुझ्यात गुंतले देवा

सेवा तुझी करण्यात दिस गेला

मना वाटे प्रसन्न पाहुनी तुला

वेड्याचा वेष तुजसाठी धारण केला

स्नान तुला घालिते आवडीने

फुले तुला वाहून मन प्रसन्न होई 

प्रेमाने गोड घास तुला भरविते

तुझे दर्शन घेण्याची असते मला घाई

तूच देतो जगण्याची नवी उमेद

हाती तुझ्या असते सर्वकाही

सुख दुःख सावल्याचा खेळ

तुझ्याविना झाडाचे पान हालत नाही

 आशीर्वाद असू दे सदैव डोईवरी

हात जोडीते तूजला दिन राती

आचरण प्रेमळ सदैव ठेव अंतरी

ज्ञानाच्या उजळू दे प्रकाशमय वाती