कवी

कवितेच्या प्रदेशात फिरताना

मी शब्द-शब्द वेचत गेलो.

कुठे मनातले,कुठे ह्रदयातले

शब्द कागदावर टिपत गेलो.

--------------------

शब्द भावनेतले,शब्द वेदनेतले 

रोज नव्या शब्दांना भेटत गेलो. 

दुःखाचे अर्थ शब्दांनी सांगून गेलो.

मनाच्या भावना अश्रूंनी सांडत गेलो.

--------------------

दुःखानी भिजलेले शब्द

मांडत गेलो.

कल्पनेचं स्वप्न लेखणीने पहात गेलो.

हृदयीच्या वेदनांना मोजत गेलो. 

शब्द शब्दांत गुंफत गेलो.

--------------------

विखुरलेले शब्द वेचत गेलो.

शब्द फुलवून सुगंधित करत 

गेलो.

कवीचं जगणं कवितेत जगत गेलो.

शब्दांतून जगण्याचा श्वास घेत गेलो.