लाइब्रेरी
प्रोफाइल
क्षण आनंदी
क्षण आनंदी
1 min
368
क्षण स्वर्गीय सुखाचा
बाळ कवटाळण्याचा
रोमरोमी हर्ष उर्मी
आनंदाश्रू दाटण्याचा
क्षण विजेतेपदाचा
हर्षोन्मादे नाचण्याचा
सरावाचे हो सार्थक
मोद दाटे विजयाचा
प्रीत बोले नयनांशी
मुग्ध भाषा नयनांची
शब्दावीण सांगतसे
गोड गुपिते मनीची
मुग्ध प्रीती नवोढेची
शब्द ओठी अडतसे
क्षण येता मीलनाचा
समर्पण भावतसे
थाप खास सखयाची
पडे अनेक वर्षांनी
दाटे हर्ष भेटीमधे
स्थलकाल विसरुनी
क्षण आनंदाचे हाती
मोती जणू सौख्यभरे
घडी सौख्याची जीवनी
राहू दे प्रभूराया रे
