क्रांतीज्योती सावित्रीबाई
क्रांतीज्योती सावित्रीबाई
आम्ही सावित्रीबाईच्या लेकी
शिक्षणाचा वसा नेऊ पुढती
सावित्रीमाई क्रांतीज्योती सम
लेखणीतून ज्ञानदीप उजळती
वदंन करू सर्व सावित्रीबाईंना
स्त्रीशिक्षणाची पेटवली ज्योत
घोट गिळूनही मानापमानाचे
ज्ञानाचा उगवला त्यांनी स्रोत
ज्योतीबांच्या सोबतीने त्यांनी
निरक्षरतेचे दूर घालवले अरिष्ट
अपमान अन शेणाचे गोळे झेलत
पूर्ण केले स्त्री शिक्षणाचे उद्दिष्ट
रूढी जोखडांचे झुगारून बंध
सुरु केली पहिली मुलींची शाळा
निराधार शोषितांचा बनून आधार
भ्रूणहत्या केशवपनाला घेतला आळा
आम्ही सावित्रीच्या लेकी शिकाव्या
म्हणून स्वतहा हाती घेतली लेखणी
वाळीत टाकले तरी थकली नाही
परतावले कित्येकदा डोळ्यातले पाणी