जागर माय मराठीचा करूया

शब्दधनाचा वारसा लाभला 

ज्ञानार्जनाने उजळल्या ज्योती 

शब्दसागरी गवसलेत अलौकिक 

मराठीच्या शिंपल्यात साहित्य मोती 

संस्कृत भाषेचा घेवून आधार 

देवनागरी म्हणती तिचे स्वरूप 

ग्रंथ समूळ आलेया जन्मासी 

ओढून मराठीचे सुंदर लिपिरूप 

वेद उपनिषदांचे करता अध्ययन 

दिसते दडले संस्कृताचे रे सारं 

श्लोक,ओवी, लीळांनी झाली समृद्ध 

विविध रसांचा मराठीने केला शृंगारं

अभंग, पोवाडे, भारूड, हरिपाठ 

आणि लोकगीते, कवणस्वरूपात 

ज्ञानदेवानी रचला पाया मराठीचा 

सर्व करूया जागर आणू अमलात 

करू संवर्धन मायबोली मराठीचे

आपल्या संस्कृतीचे करूया जतन 

मराठीचा विकास जबाबदारी माझी 

प्रचार प्रसारासाठी करू यत्न, प्रबोधन