कोरोना लस

आली आलीया कोरोना लस

जी देईल तुम्हा सुरक्षा खास ||धृ||

कोरोनानं केलं आपल्याला बेजार

केवळ लसीनंच जाणार हा आजार

म्हणून उगाच करू नका चिंता

शास्त्रज्ञाने सोडवला हा लसीने गुंता

आली आलीया कोरोना लस

जी देईल तुम्हा सुरक्षा खास ||१||

घेतल्यानंतर लस होईल थोडी परेशानी

पण त्यानेच तर होणार कोरोनाची हानी

लसीनेच वाचेल तुमचा जीव

त्याशिवाय कोरोनाला नाही कीव

आली आलीया कोरोना लस

जी देईल तुम्हा सुरक्षा खास ||२||

नको अफवा पसरू

नको कोरोना लस घेण्यास विसरू

म्हणून करा कोरोना लसीकरण

नाही होणार मग त्याने मरण

आली आलीया कोरोना लस

जी देईल तुम्हा सुरक्षा खास ||३||

लस घेतली जरी

मास्क वापरा तरी

पाळा सुरक्षित अंतर

असाच करा कोरोना लसीचा जागर

आली आलीया कोरोना लस

जी देईल तुम्हा सुरक्षा खास ||४||