कोणापासून काय घ्यावे

१. चिमणी पासून घ्यावी तिची उद्यमता , 

कुटुंबासाठी , पिल्लांसाठी घातलेली धडपड !

२. कुहू - कूहू करणारी कोकिळा मधुर आवाजाची सम्राज्ञी ,

देवून जाते आपणाला सुरेल्पणाचा धडा !

३. मोराची दिमाखदार चाल आणि 

सुंदर पिसारा फुलवून दुसऱ्यांना प्रफुल्लित करायची वृत्ति !

४ . घारीची उंच भरारी व उंचावरून ,

सावजावर असलेली अचूक नजर !

५. बगळ्यांची शिस्त आणि नभातली सुरेख माळ ,

आणि एकत्र थव्यात राहायची सवय !.

६. गुबगुबीत कापसा सारखा दिसणारा ससा ,

शिकवतो आपल्याला चपळता व चंचलता !

७. बदकाचा वरुन दिसणारा संथपणा ,

तर पाण्यात सतत चालत असणारे पाय !

८. कबुतरा कडून गतिमान विचार क्षमता ,

व दिशाज्ञान आणि वेगवान संदेशवाहक !

९. खारी कडून शिकावे कामात हातभार लावायला,

" आपण आपला खारीचा वाटा उचलायला " !

१०. कुत्र्या कडून घ्यावी समज, प्रामाणिक मित्र , 

नेहमी सतर्क राहून स्वतः ची व दुसऱ्यांची रक्षा करायला !

११. वानराची उडी व हनुमान भक्ती ,

सेतु बंधनात केलेली प्रभू श्रीरामाची मदत !

१२. मधमाशी कडून सतत धडपड करून,

सगळ्यांनी एकत्र मिळून गोळा केलेले मध!

१३. मुंगी दिसते नुसती सर्वात लहान , पण

हत्तीसारखा प्राण्याला पण चावून करते बेजार !

१४. हंसाची अतूट जोडी , व निर आणि क्षिर 

यात करता येणारा फरक !

१५. गाय तर आहेच " कामधेनू " , पुज्य आणि पवित्र सोज्वळ जशी सर्वांची आई - माता !

१६. घोरपड, तिचा चिवटपणा व सहनशक्ती ,

भलभल्या योध्यांच्या आली ती खूप कामी !

१७. गरूड पक्ष्याची उंच भरारी , श्रेष्ठत्व , सहनशक्तीची

 पराकाष्ठा व पौराणिक काळापासून कमावलेलं महत्त्व!