Library
खट्याळ मेघराजा
खट्याळ मेघराजा
1 min
373
बरसत आल्या धारा
हा खट्याळ मेघराजा
लखलख सौदामिनी
करी बघा गाजावाजा...१!
अवखळ ,खोडकर
अवचित येई बाई
अवनीला भेटण्याची
मेघराजा होई घाई ...२!
थेंब शुभ्र मोती सम
ओंजळीत अलवार
निसटून क्षणात ते
धरा देई उपहार...३!
सरी वर सरी येता
खळखळ वाहे पाणी
पावसाच्या धारा गाई
सूर संगीत हो गाणी....४!
वसुंधरा ओलीचिंब
गंधाळली प्रीत भारी
सप्तरंगी इंद्रधनु
उधळती रंग सारी...५!
