कधी तू

कधी तू आकाशातील चमकणारा तारा

तर कधी मायेचा वाहणारा झरा

कधी तू सागराची उसळणारी लाट

कधी वेगळाच असतो तुझा थाट

कधी तू मंथरलेली रात्र

तर कधी भासतेच भन्नाट पात्र

कधी तू फुलातील मकरंद

कधी तू आंबट गोड करवंद

कधी तू मोहक प्रेमाचा स्पर्श

तुला पाहताच होतो मनास हर्ष

कधी तू वाटतेस नवरी हसरी

मला पाहताच होतेस कावरीबावरी

कधी तू खेळतेस लपंडाव

मंत्रमुग्ध करी तुझे हावभाव

कधी तू होतेस थोडी भावूक

कधी धारदार शब्दांचे चाबूक

कधी तू होतेस थोडी हट्टी

घोर लावी जीवा तुझी कट्टी