कोरोना लस

 कोरोनाच्या लसीकरणाचे

आहेत दोन डोस

घेता डोस कोरोनाला

ठेवी चार कोस

पहिल्यासारखं खेळतं

हवं असेल आयुष्य

तर लस घेऊन करा

सुरक्षित आपले भविष्य

कोरोनाचा फैलाव

रोखण्यासाठी हा उपाय

उगीचच नको ते भाष्य

करून फायदा काय?

ह्या आधी पण घेतल्या

ना आपण कितीतरी लशी

मग ह्या कोरोनाच्या

लशीचीच भीती कशी?

लस घेता नको चढायला

दवाखान्याच्या पायऱ्या

हसतखेळत पार पाडता

येतील जबाबदाऱ्या साऱ्या

वाट कसली बघता

करा आजच लसीकरण

आनंदाने भरा जीवनातील

प्रत्येक क्षणनक्षण