जीवन !

अंधार आहे म्हणूनि 

तेजास मान आहे

ही रात्र इथे आहे 

आणि दिवस आहे

आवाज नाद आहे आणि

जग शांत आहे

नसती जर निशा 

होऊनि असह्य दाह

फुटल्या असत्या 

दाही दिशा !

नुसतीच असती निशा 

तर शीत लहरीत

गोठूनी गेल्या

असत्या दिशा !

आहेत ऋतु सहा

म्हणुनी रुजुवात आहे

असता नुसताच वर्षाव

जग कुजून गेले असते !

असता नुसताच ग्रीष्म ?

जग भाजून मेले असते !

समग्र संतुलनाने 

धरती सम्रुद्ध आहे

नवरस आहेत आणि

प्रत्येक रसाचा 

आगळाच स्वाद आहे !

आहे जे जे ब्रम्हांडी

ते ते पिंडी पिंडी !

घ्या बोध यातून तुम्ही

संतुलन साधा !

तुमच्या मनातही

देव आहे मानव आहे 

दैत्य आहे !

घ्या बोध राखा संतुलन

मानवेल तितुकेच घ्याना

मानव बना मानव रहा !

जे खरे जीवन आहे !