अगं आई सांग ना!

अगं आई सांग ना 

येईल ना किती किती मजा ?

जमिनीत पेरताच 

मी हे चॉकलेट 

त्याचे झाडच मिळेल ना मला ?

त्याचे झाडच मिळेल ना मला ?

चॉकलेटस येतील भराभरा!

पोटभर खाईन वाटुन टाकीन

सगळ्यांना मी झराझरा!

पेरता मी चीज पिझा 

लागतील का गं 

पिझ्झे या झाडाला ?

टाकताच मी एक आंबा नदीत 

सारी नदीच बनेल का गं मॅंगो माझा ?

सगळ्यांना बोलावीन 

शानदार पार्टी करीन

भाव वाढेल माझा

किती भाव वाढेल माझा!

आई येईल ना गं मजा किती

जर मिळेल रहायला बार्बीहाऊस !

नटून थटून ऐटित बसेन 

खिडकीतून छान टाटा करीन !

आई येईल ना गं मजा किती

टॉयकारने फिरायला

पेट्रोल टाकुन जगभर फिरेन

नको कुणी मग अडवायला !