जिद्द

लोकं आपल्याला नावे ठेवतात

म्हणून त्यांचाच विचार करायचं नसते

वाटेत असले जरी भयाण काटे 

वाटेतील पाऊलवाट थांबता चालायची असते

मला हे कधी जमणारच नाही

मनोमनी असाच प्रश्न उद्भवायचं नाही

*" मी करू शकते "* या मंत्राने

एक एक पाऊल पुढे चालत जाई 

स्वतःचं अस्तित्व निर्माण करण्यास

खरंतर स्वावलंबी असावं लागते 

धीर न सोडता कधीही

अपयशालाही अनुभवायचे असते

एकदा हरलो , दुसऱ्यांदा हरलो

तिसऱ्यांदा जिंकण्याला का हरायचं 

पंखात नसलं बळ जरी

स्फूर्तीने उडण्याचे धाडस दाखवायचं 

एकावेळेस घास खाण्याऐवजी

हळूहळू ते अन्न पचवायचे असते

पचता-पचता पचेलच एके दिवशी

मोठे शिखर गाठण्याची तयारीही असावी लागते

*" प्रयत्नांती परमेश्वर "* या युक्तीला

ध्यानीमनी अपुल्या बसवायचे 

आत्मविश्वास न डगमगता कुठेही

डोळ्यांत तेल घालून स्वप्न साकारायचे 

प्रकाशमान दिवस नी अंधारलेली निशा

मुठीत एकवटून *जिद्द* कधी सोडायची नाही

जखडलेल्या गुंतागुंतीच्या जाळ्यात

ध्येयवेडा बनुनी जगणं का सोडायचं अपयशापाई 

एकदाच्या डोळ्यांत सामावलेल्या स्वप्नांना

अर्धवट असं सोडायचं नसते

स्वतःची स्वतःशीच तुलना करत

कठीण संघर्षाने हे जीवन जगायचे असते