प्रेमाचा रंग

तन मन भिजावे माझे

रिमझिमणाऱ्या पावसात

चिंबचिंब सरिंत न्हाहून

मन गुंतले कसे तुझ्यात

उधाण माझ्या भावभावनांना

यौवनात हरवले भान माझे

चढली नशा बेधुंद प्रितीची 

सर्वत्र लागले कसे वेड तुझे 

चाहूल लागताच तुझ्या छायेची

सर्वत्र होई मज तुझाच भास

नयन येई भरुनी त्या क्षणास

जवळीक तू माझ्या असण्याची आस

सदोदित असावी साथ तुझी 

रंग प्रेमाचा तुजवरती शिंपडीते

त्या प्रेमरंगात रंगून रंगबिरंगी

अधिकच मन माझे मोहिते

माळूनी केसांत सुवासिक

तुझ्या प्रेमाचा सोज्वळ गजरा

उतावीळ या जीवाला करतोय

घायाळ तुझा मनमोहक चेहरा

दृष्ट न लागो कधी कुणाची 

तुझ्या माझ्यातल्या घट्ट नात्याला

प्रेमरंगात होऊनी मस्त मगन

बहर येई तुझ्या माझ्या प्रेमाला