लाइब्रेरी
प्रोफाइल
झाड शोधे सावलीला
झाड शोधे सावलीला
1 min
139
तेज प्रखर रवीचे
सोसे वृक्ष जन्मभरी
देतो सर्वांना सावली
झळ सोसूनी अंतरी
नाही कधीच विसावा
धरी ना कुणी सावली
तप्त झळा सोसूनिया
देई थंडशी सावली
येई जाई रविराज
त्यास नसे भीडभाड
आग ओकी मनमानी
वृक्ष उभाचि अखंड
बसे पांथस्थ थकला
दुवा देतसे वृक्षाला
तृप्त होई सावलीने
जीव थकला भागला
झाड शोधे सावलीला
कधी मिळेल सावली?
झाड म्हणते मनाशी
कशी मी झळ सोसली?
" वर बघ वृक्षराजा "
रविराज बोले त्याला
" अखंडचि तप्तरस
जन्म त्यासाठी आपला "
