इथं ....तिथं ....
इथं ....तिथं ....
इथं खूप मोठी इमारत आहे
इमारतीत लगबगही आहे
इमारत देखणी आहे
पण अंगणात पारिजातक नाही
काळजात वसंत नाही
पापण्यात श्रावण नाही
इवल्याश्या पिल्लासाठी
स्वप्नाच मणभर ओझं नाही
लांबलचक गावकुस आहे
गावकुसालगत नदीचा काठ आहे
पण काठाला बालपणच नाही
बालपण कधीच वाहून गेलंय पुलाच्या खालून
माझा तुमच्या त्या बागेशी संबंध आहे
पण तुमच्यासाठी जगण्यासाठीचा उत्सव मात्र नाही
असे काहीच नाही, कधीच नाही
की, तुझी आठवण नाही असे काहीच नाही
आहे इथं लगबग
आहे अंगण
पण ....
अंगणात पारिजातक मात्र नाही