हूंकार गर्भाचा
हूंकार गर्भाचा
आई वाढतोय तुझ्या उदरात
गर्भ तुझ्या या दुर्भागी लेकीचा
दबाव येतोय बघ गं तुझ्यावर
गर्भातच माझा गळा घोटण्याचा
भिऊ नकोस आता तू आई
हिमतीने हक्कासाठी दे तु लढा
वाईटपणा घेऊन प्रसव तु मला
नको हकनाक भरु पापाचा घडा
जन्माला घालुन आण मला
प्रुथ्वीवरच्या सुंदर या जगात
तुझ्याकडुन दुसरे काही नको
. देईन सुख तुला या जन्मात
होऊन मोठी बनेन साक्षर
घराण्याची वाढवीन शान
खानदानाचे नाव करीन रोशन
गर्वाने होईल तुमची उंच मान
सांभाळीन तुम्हां दोघांना
मुलगा म्हणून जीवनभर
दुःखाची झळ नसेल कधी
घेईन काळजी आयुष्यभर
करणार नाही कधीच हट्ट
कपडे दागिने अलंकाराचा
साधे जीवन उच्च विचार
वारसा जपीन संस्कारांचा