हे कोणते वळण ...

चालता चालता हे ,

कोणते वळण आले,

कळेना मला कसे ,

तु मला मी तुला मिळाले...

कालचीच बात होती ,

अनोळखी रात होती,

आज ओळखीचे दिवस आले ,

तु मला मी तुला मिळाले...

ही घडी नविन आहे ,

गोड स्वंदनाची गीत आहे,

मोहरल्या काळजात स्पंदने आले ,

तु मला मी तुला मिळाले...

पायवाट कधीची संपली होती ,

तरी हाती हात होते,

खांद्यावर तुझ्या विसावे सुखाचे नाते,

तु मला मी तुला मिळाले ...

जुळून आल्या मनाच्या साथी,

बांधल्या मनाने रेशीमगाठी,

साताजन्मांचे प्रितीबंध जुळले ,

तू मला मी तुला मिळाले ...