गुरूंचा महिमा

पृथ्वीतलावरचा ईश्वर

म्हणजे आपले गुरू

घडवले सकल आयुष्य ज्यांनी

त्यांना नित्य आपण स्मरु

महिमा त्यांचा अगाध किती

वर्णाया शब्द पडती अपुरे

गुरूविना जीवन म्हणजे

वाटे सारे सुने अधुरे

 

कुंभार घडवितो घटास तसे

गुरूठायी घडतो आपण

काय, किती आपणास दिले

अशक्य आहे मापन

गरुडझेप घेण्याची जिद्द

रक्तात निर्माण केली

संघर्षाला तोंड देण्याची

वृत्ती अंगी बाणवली

गुरुदक्षिणा ती काय द्यावी

प्रश्न पडे मनाला

माझे सारे आयुष्य अर्पण

माझ्या श्री गुरूचरणाला