गगनराज

तेजोनिधी तू भास्कर 

प्रकाशाचा अधिपती

सृष्टी चराचर चाले

तव तेजोमय दिप्ती

प्रकाशले सारे विश्व

मित्रा सोनकिरणांत

शक्ती उर्जा स्फूर्ती तेज

झळाळते रवि तेजात

तम निशेचा सारथी

भास्कराचे तेजोकण

भार सृष्टीचा पेलतो

तेजोनिधी हर क्षण 

तेजोमय किरणांचे

बल अनाकलनीय

कोविडचा नाश करी

जगताला वंदनीय

जन्मदाता कर्ता त्राता

सर्वेसर्वा वसुधेस

भावे कृतज्ञ वंदन

आदित्यनारायणास