गाडगेबाबांचा देश

गाडगेबाबा तुमचे विचार

आणि तशी तुमची कृती

दिवसा गाव रात्री डोके

घाण सारी साफ करती

तुमचे असे प्रबोधन

राहीले आता दूर

स्वच्छता अभियान

निघतो फक्त सूर

गांधींचा तो चष्मा

विसंगती दावतो

स्वच्छ व भारत

वेगळा तो दावतो

जेथे स्वच्छ तेथे

नाही भारत दिसत 

जेथे भारत तेथे

नाही स्वच्छता वसत

गाव, शहर, सर्वत्र

होते सफाई चर्चा

प्रत्येक व्यक्ती मग

करतोय आता खर्चा

सफाई हवी आता

दुमत कोणा नाही

मनही जुळावीत

तसे घडत का नाही?

मनातील जातीवाद

भेदभाव दूर व्हावा

गाडगेबाबांचा देश

जगी मग चमकावा