लाइब्रेरी
प्रोफाइल
दुष्काळआहे( गजल)
दुष्काळआहे( गजल)
1 min
846
भुजंगप्रयात लगागा लगागा लगागा लगागा
जिवा जाळतो फार दुष्काळआहे
कुणा मारतो ठार दुष्काळ आहे
धरा फाटली दाट नक्षी तड्यांची
जिव्हारी बसे वार दुष्काळ आहे
नदी आटली एकही थेंब नाही
म्हणे जीव बेजार दुष्काळ आहे
उन्हाच्या झळा सोसती ना जिवाला
मनी दाट अंधार दुष्काळ आहे
बसे पाखरांना भुकेचा तडाखा
रडे शेत लाचार दुष्काळ आहे
उपाशी बळी फास लावून मेले
भुकेली मुले फार दुष्काळ आहे
नभाच्या कृपेने हसे शेत सारे
नि गेला तडीपार दुष्काळ आहे
