दिवाळीचा फराळ
दिवाळीचा फराळ
फराळाचे आकर्षण
सदा सर्वांना नेहमी
गोड असो वा तिखट
नक्की आवडीची हमी
कुणी सुगरण घरी
कष्ट प्रेमाने करते
स्वाद तयाचा सर्वत्र
घरोघरी दरवळे
कडबोळी नि चकली
लागे खमंग जिभेला
लाडू करंजी चिरोटा
गोड मधुर जिव्हेला
व्यवसाय पोटासाठी
जन अनेक करती
द्यावे प्रोत्साहन तयां
लयलूट खरेदीची
घ्यावा आस्वाद सुखाने
नका विसरु गरीबां
घासातला घास द्यावा
पुण्य अन्नदान जाणा
करु फराळ मिळूनी
मन मोठे ठेवूनिया
बंधुभाव मनामधे
माणुसकी जपुनिया