दिवाळी सण

आली आली दिवाळी  

गाई वासरे ओवाळी

समृद्धी अन् प्रसन्नता

दिसे त्यांचे चरणी

वेळ आहे धनवर्षावाची

आपले आयुष्य

निरामय असावे 

हिच प्रार्थना धन्वंतरांशी

गोष्ट सत्याच्या विजयाची

अन्यायाच्या प्रतिकाराची

नरकासुरी वृत्तीचा वध करुन

जाणीव ठेवू सत्कर्माची

संपत्ती आणि ऐश्वर्य

सारे असावे नित्य भेटी

लक्ष्मी मातेचे गूढ असे

घरातल्या प्रसन्नतेशी

ईडा पीडा टळू दे 

बळीचे राज्य येवू दे

वामनावतारी विष्णुकडून  

नाश अहंकाराचा होवू दे

सोनियांचे ताट अन्

चंदनाचा पाट 

ओवाळणाऱ्या बहिणीचा

काही वेगळाच थाट

आली आली दिवाळी 

बहिण भावाला ओवाळी

प्रार्थना माझी देवाकडे

व्हावे दीपपर्व चैतन्यमयी