दीपावली
दीपावली
दीप लावला अंगणात
प्रकाश पहा पसरला
दीप जन्मला आज घरी
आनंद घरास जाहला ....
उन्हाळा किती जीवनात
त्यातही आनंद शोधतो
उन्हाळा हा कडकडीत
शांत प्रकाशी सुखावतो ...
गंध पिकल्या त्या भाताचा
पवनासंगे आसपास
गंध टिळा लावून देवा
भरभराट येवो पिकास ...
मेघ जणू भासे कंदील
दारापुढे दिसे झकास
मेघ पाही आकाशातून
प्रकाश असे , की आभास ...
दीप... दिवा , मुलगा
उन्हाळा... कष्टमय जीवन , तापमान
गंध .... सुवास , चंदन
मेघ ... घुमट , ढग